Jyl basynan beri kórsetkish 18,7%-ǵa ósken.
Qarjy naryǵyn retteý jáne damytý agenttiginiń dereginshe, jeke tulǵalarǵa berilgen nesıeler 2022 jylǵy tamyzda 2,9%-ǵa ulǵaıyp, 12,7 trln teńgeni qurady, dep habarlaıdy Almaty-akshamy.kz Inbusiness.kz cilteme jasap.
“Nesıelerdiń ósýine jeńildetilgen memlekettik ıpotekalyq baǵdarlamalardy iske asyrýdy jalǵastyrý nátıjesinde ıpotekalyq kredıtteýdiń 3,1%-ǵa 4,1 trln teńgege deıin ulǵaıýy, sondaı-aq tutynýshylyq qaryzdardyń, onyń ishinde jeke kásipkerlerge bıznes maqsattarǵa arnalǵan qaryzdar, 2,3%-ǵa 7,0 trln teńgege deıin ósýi sebep boldy”, – dep habarlady Qarjy naryǵyn retteý jáne damytý agenttigi.
Bıylǵy jyldyń tamyz aıynda nesıe portfeliniń sapasy birshama jaqsardy.
“Sonymen, 2022 jylǵy 1 qyrkúıekte bank sektory boıynsha NPL qaryzdarynyń deńgeıi bir aıda 0,2 p.t. nemese 41 mlrd teńgege azaıyp, 787 mlrd teńgeni nemese jalpy nesıe portfeliniń 3,6%-yn qurady. 2022 jylǵy 1 qańtarda bul kórsetkish 3,3% nemese 669 mlrd teńge bolǵan”, – dep habarlady agenttikte.