Semınar Qazaqstan Respýblıkasy İshki ister mınıstrliginiń bastamasymen, Ǵylym jáne joǵary bilim mınıstrliginiń qoldaýymen uıymdastyryldy.
Qazaqstanda UQK, TJ, polısıa, prokýratýra mamandaryn jáne áskerı qyzmetkerler daıarlaıtyn 13 áskerı jáne arnaıy oqý oryndary bar. İİM M.Esbolatov atyndaǵy QR İİM Almaty akademıasynda ótken osy áskerı jáne arnaýly oqý oryndarynyń birinshi basshylaryna arnalǵan semınar-keńestiń taqyryby – “Quqyq qorǵaý jáne kúshtik qurylymdardyń kásibı kadrlaryn daıarlaý jónindegi bilim berýdiń jańa tásilderin ıgerý” boldy, dep habarlaıdy Almaty-akshamy.kz Polisia.kz-ke silteme jasap.
İs-sharany ashqan Akademıa bastyǵy Aıdar Saıtbekov atalǵan oqý ornynda Prezıdenttiń joǵary bilim berý sapasyn arttyrý jónindegi tapsyrmasyn oryndaý maqsatynda is-sharalar kesheni júzege asyrylyp jatqanyn, al arnaıy oqý oryndary basshylarynyń ashyq dıalogy Jańa Qazaqstandaǵy bilim berý júıesin jetildirýdiń eń ózekti máselelerin sheshý joldaryn tabýǵa múmkindik beretinin atap ótti. Semınarda Ǵylym jáne joǵary bilim salasyndaǵy baqylaý komıtetiniń basqarma basshysy Elvıra Saparbekova jalpy bilim berý standarttaryna qatysty ınovasıalar týraly áńgimeledi. Bilim berý sapasyn ishki baqylaý, oqý prosesiniń monıtorıńi, sondaı-aq biliktilik talaptaryn saqtamaǵany úshin jaýapkershilikti kúsheıtý, osynyń barlyǵy mamandardy daıarlaý sapasyn arttyrýǵa baǵyttalǵan. Sonymen qatar baǵalaýdyń jańa krıterııleri bilim berý baǵdarlamalarynyń mazmunyn únemi jańartyp otyrýdy kózdeıdi, ony ázirleýge jumys berýshiler men oqýshylardyń ózderi qatysýy kerek. Sondaı-aq, ǵylymı jumystardy qashyqtyqtan qorǵaý formaty oqý oryndarynyń qoǵamǵa ashyq bolýyna múmkindik beretini atap ótildi.
Eki kúndik semınar-keńeste memlekettik baqylaýdy avtomattandyrý, mamandardyń biliktilik talaptaryna sáıkestigin tekserý jáne memlekettik atestattaý, sondaı-aq áskerı, arnaýly oqý oryndaryna oqý prosesin uıymdastyrý boıynsha ádistemelik kómek kórsetý máseleleri talqylandy. Alqaly bas qosýda barlyq bilim berý uıymdarynyń basshylary Almaty akademıasy bastyǵynyń memlekettiń ulttyq qaýipsizdigin qamtamasyz etýdiń zamanaýı standarttaryna jaýap beretin vedimistik bilim berý sapasyn arttyrý quraly retinde qaýymdastyq qurý týraly bastamasyn biraýyzdan qoldady.