Bul týraly Úkimet otyrysynda Indýstrıa jáne ınfraqurylymdyq damý mınıstri Qaıyrbek Óskenbaev aıtty.
Qyzylordada avtomobıl men smartfonǵa qajet shynylar shyǵarylady, dep habarlaıdy Almaty-akshamy.kz
İri kásiporyndardyń aınalasynda shaǵyn jáne orta bıznes beldeýi qurylady. Munyń arqasynda buryn ımporttalyp kelgen taýarlar endi ózimizde shyǵarylady.
«Qyzylorda oblysynyń ákimdigimen birlese otyryp, «Orda-Glass» JSHS shyny zaýyty bazasynda avtomobıl shynylaryn, shyny talshyqtaryn, shynydan jasalǵan ydystar, ydys-aıaq, tereze shynylary men smartfondarǵa arnalǵan juqa shynylardy óndiretin shaǵyn zaýyttar sala otyryp, shynydan daıyndalatyn buıymdar óndirisin pysyqtaı bastadyq», - deıdi Óskenbaev.
Onyń aıtýyna qaraǵanda, jumys istep turǵan kásiporyndar men jańa jobalarǵa da qatysty osyndaı tásilder qoldanylady.
«İri júıe quraýshy kásiporyndardy qoldaý, sondaı-aq shaǵyn jáne orta kásipkerlerge ınfraqurylym usyný esebinen buryn ımporttalǵan taýarlar oqshaýlanatyn bolady», - deıdi Óskenbaev.
2021 jyldyń qorytyndysy boıynsha, jer qoınaýyn paıdalanýshylar men kásiporyndardyń 4 trln teńge kólemindegi taýarlary satyp alynǵan, onyń ishinde ımport kólemi 2,9 trln teńge bolǵan.