Bul týraly Eńbek jáne halyqty áleýmettik qorǵaý mınıstri Tamara Dúısenova Úkimet otyrysynda aıtty.
Bul halyqtyń jalpy sanynyń 48 %-yn quraıdy dep jazady Almaty-akshamy.kz inbusiness.kz-ke silteme jasap.
Áıelderdiń 35%-y saýda jáne qyzmet kórsetý salasynda, 32%-y bilim, densaýlyq saqtaý jáne ǵylym salasynda, 14%-y ónerkásipte, qurylysta jáne kólikte, 9%-dan astamy aýyl sharýashylyǵynda jumys isteıdi.
«Óńirlik jumyspen qamtý kartalary aıasynda áıelderdi nátıjeli jumyspen qamtýǵa tartý boıynsha belsendi jumys júrgizildi. Máselen, 536 myń áıel adam jumysqa ornalastyryldy, bul barlyq jumysqa ornalastyrylǵan azamattardyń 55%-yn qurady. Al aǵymdaǵy jyldyń eki aıynda bul kórsetkish 92 myńnan asty», – dedi Tamara Dúısenova.
Mınıstr jas áıelderdiń memleket sýbsıdıalaıtyn jumys oryndaryna jumysqa ornalasý kezinde belsendiligi joǵary ekenin aıtty. Ótken jyly 30 myńǵa jýyq qyzdar alǵash ret jumysqa ornalasty.