Qujat talqylaý úshin Ashyq NQA saıtynda jarıalandy.
QR İİM kólik quraldarynyń júrgizýshilerin daıarlaý, emtıhandar qabyldaý jáne júrgizýshi kýáligin berý erejesine tolyqtyrý ázirledi, dep habarlaıdy Almaty-akshamy.kz
Atap aıtqanda, oqytý sapasyn arttyrý maqsatynda onlaın jáne qashyqtyqtan oqytý nysandary joıylady.
Buǵan qosa, júrgizýshilerdi daıarlaý toptaryna qabyldanǵan oqý uıymdaryndaǵy tulǵalardy esepke alý jol júrisi qaýipsizdigin qamtamasyz etý jónindegi ýákiletti organnyń avtomattandyrylǵan aqparattyq júıesin paıdalana otyryp júrgiziledi.
Qujatta oqytýdyń negizgi nysandary teorıalyq, praktıkalyq sabaqtar bolatyny jazylǵan.
Árbir pán boıynsha teorıalyq sabaqtar kúnine eki saǵattan, al praktıkalyq sabaqtar alty saǵattan aspaıtyndaı josparlanady.
Bir kún ishinde avtomobıl júrgizýdi úırenýshiniń bireýine:
avtotrenajerde keminde bir saǵat;
oqý avtomobılinde "lekte júrý" jattyǵýyn, sondaı-aq tórt saǵat ishinde pysyqtalatyn, júk tasymaldaýmen baılanysty jattyǵýlardy qospaǵanda, keminde eki saǵat pysyqtap úıretýge ruqsat etiledi.
Emtıhandardy qabyldaý rásimderin uıymdastyrýshylyq-tehnologıalyq súıemeldeýdi "Azamattarǵa arnalǵan úkimet "memlekettik korporasıasy" komersıalyq emes aksıonerlik qoǵamy iske asyrady.
Kólik quraldarynyń júrgizýshilerin daıarlaý, emtıhandar qabyldaý jáne júrgizýshi kýáligin berý erejesinde Qazaqstan Respýblıkasynyń ulttyq júrgizýshi kýáligi myna jaǵdaıda jaramsyz dep eseptelip, kúshi joıylatyny jazylǵan:
onyń jaramdylyq merzimi;
ıesine jańa júrgizýshi kýáligin berý;
júrgizýshi kýáliginde kórsetilgen ıesiniń derbes derekterindegi ózgerister;
onyń joǵalýy nemese onda qamtylǵan málimetterdi kózben sholyp anyqtaýǵa múmkindik bermeıtin zaqymdanýlardyń bolýy;
júrgizýshide kólik quraldaryn basqarýǵa medısınalyq qarsy kórsetilimderdiń bolýy;
jalǵan (jalǵan) qujattar negizinde ne Qazaqstan Respýblıkasynyń Jol qozǵalysy týraly zańnamasyn buza otyryp júrgizýshi kýáligin berý.
Teorıalyq nemese praktıkalyq emtıhandardy tapsyrý úshin emtıhan alýshylar portal, portaldyń ıntegrasıalyq servısteri, ýákiletti organ aıqyndaǵan aqparattandyrý obektileri arqyly nemese kórsetiletin qyzmetter operatoryna júginý arqyly ótinish beredi.