Pandemıa bastalǵanda az ýaqyttyń ishinde 17 aýrýhana salynypty.
Bul týraly Premer-mınıstr Asqar Mamın málimdedi, dep habarlaıdy Almaty-akshamy.kz
Mamınniń aıtýynsha, pandemıa bastalǵanda az ýaqyttyń ishinde 17 aýrýhana salyndy. Aýrýhanalar zamanaýı qural-jabdyqtarmen qamtamasyz etilgen. Medısına qyzmetkerleriniń jumys isteýine barlyq jaǵdaı jasaldy. Koronavırýs órship, naýqastar sany kóbeıgende turǵyndar sol aýrýhanalarda em qabyldady.
«Josparymyzda búkil Qazaqstanda 20 zamanaýı gospıtál salý bar. Sol úshin Túrkıanyń tájirıbesin zerdeledik. Túrkıaǵa arnaıy túrde jumys saparymen baryp, salynǵan gospıtálderde boldym. Túrkıa bul salada serpilis jasaǵan. Qazirgi ýaqytta Qazaqstanda sondaı modelderdi júzege asyramyz. Búginde memlekettik-jekemenshik áriptestik negizinde birneshe gospıtál salynyp jatyr, – dedi Premer-mınıstr Asqar Mamın.