Aıta keteıik, Marıýs Petıpanyń qoıylymy mýzykasynyń avtory – Rıkardo Drıgo. Al horeografıalyq redaksıasy sala maıtalmany Vasılıı Medvedevke senip tapsyryldy. Biregeı shyǵarmashylyq ujymnyń oıyn Qazaq ulttyq horeografıa akademıasynyń jas artıseri oryndap shyqty.
Festıvál Qazaqstan táýelsizdiginiń 30 jyldyǵyna oraılastyrylǵan. Sonymen qatar ol 19 qarashaǵa deıin jalǵasady. Mádenı shara aıasynda offlaın jáne onlaın formatta jetekshi qazaqstandyq jáne sheteldik horeograftardyń ashyq dáristeri men sheberlik sabaqtary ótedi.
«Osynaý ıgi iske atsalysý múakindigine ıe bolǵanym úshin Altynaı Asylmuratova hanymǵa alǵysym sheksiz. Bul jobany osydan 5 jyl buryn oılastyrǵan edik. Mine, búginde ol júzege asyp otyr. Jalpy spektáklge 130 bala qatysty. Sonymen qatar umyt bolyp qalǵan balettiń 2 aktisi qaıta jańǵyrtyldy. Daıyndyq óte uzaq ýaqytqa sozyldy. Mýzykasy men lıbrettosy jazylyp, kostúm tigildi, dekorasıa eskızderi jasaldy. Balet mektebi 2 aıǵa jýyq daıyndaldy», - qoıýshy-horeograf Vasılıı Medvedev.