Belarýstiń Vıtebsk qalasynda juma kúni ótken EEK Keńesi otyrysynyń qorytyndysy boıynsha saýda-ekonomıkalyq is-qımyl máseleleri boıynsha birqatar sheshimder qabyldandy, dep habarlaıdy Almaty-akshamy.kz QazAqparat-qa silteme jasap.
Komısıanyń baspasóz qyzmeti habarlaǵandaı, Eýrazıalyq ekonomıkalyq komısıa keńesiniń músheleri EAEO elderiniń ýákiletti organdaryna ishki qajettilikterdi qamtamasyz etý úshin ózara saýda sheńberinde qant jetkizilimderine kelisimshart jasasý boıynsha jumys júrgizýdi tapsyrdy. Bul rette taraptar múshe memleketterdiń ishki naryǵyna qantty satý basymdyǵyna, sondaı-aq Reseıde qoldanystaǵy 2022 jylǵy 31 tamyzǵa deıin mundaı jetkizilimderge shekteýler uzartylmaıtynyna súıenýge tıis.
«EEK alańynda konsýltasıalar qorytyndysy boıynsha kelisimsharttar jasasý jáne qajetti qant kólemin 1 qyrkúıekten keıin jetkizý múmkindigine qatysty kepildikter berildi. Atap aıtqanda, Reseı jáne Qazaqstan aýyl sharýashylyǵy mınıstrlikteri jyl sońyna deıin 168 myń tonna josparly kólemdi ulǵaıtýǵa kelisti. Osy jańalyqtardan keıin naryqtaǵy barlyq alypsatarlyq aıaqtalatynyna kúmánim joq», - dep atap ótti komısıanyń saýda jónindegi mınıstri Andreı Slepnev.