Bul týraly Saýda jáne ıntegrasıa mınıstri Serik Jumanǵarın málimdedi.
Reseımen shekarada qazaqstandyqtar men azyq-túlik tasymaldaıtyn kólikter úshin jasyl dáliz qurý josparlanyp otyr, dep habarlaıdy Almaty-akshamy.kz.
Ol Qazaqstanǵa kelgen reseılikterdiń sany el halqymen salystyrǵanda az ekenin jáne bul olardyń azyq-túlik qaýipsizdigine áser etpeıtinin túsindirdi.
«Aımaqtyq dısproporsıalar bolýy múmkin, biraq qazir bul máselelerdi sheship jatyrmyz. Keshe memlekettik organdarmen, sonyń ishinde quqyq qorǵaý organdarymen keńes ótkizdim. Reseı Premer-Mınıstriniń orynbasarymen de sóılestim. Sebebi shekaranyń arǵy jaǵynda qazaqstandyq azamattar da, azyq-túlik kólikteri de óte almaı tur. Kelisken sıaqtymyz, ol tıisti ereje jasady. Búgin shekara qyzmetteri bir-birimen sóılesedi. Olar bizdiń azamattar men azyq-túlik kólikteri úshin jasyl dáliz jasaýǵa tyrysady. Bul máselede úlken problemalardy kórmeımin», - dedi Jumanǵarın.