Olar respýblıkamyzdyń Parıjdegi elshiliginde bas qosyp, osy aıdyń basynda Memleket basshysy jarıalaǵan reformalar boıynsha oı-pikir almasty.
Qazaqstan Prezıdenti usynǵan Jańa Qazaqstan tujyrymdamasyna Eýroodaqtaǵylar aıryqsha nazar aýdaryp otyr. Mysaly, aıtýlarynsha, reformalar ınvestorlar úshin turaqtylyq kepili bolyp tabylady. Sondaı-aq, memlekettiń demokratıa qundylyqtaryn qoldaıtyny jáne osy baǵyttaǵy reformalardy odan ary jalǵastyratyny adam quqyqtaryn saqtaý men saıası órleý baǵdaryn aıqyndap otyr, deıdi sarapshylar. Alaıda batyl josparlardy júzege asyrý úshin qazaqstandyqtarǵa judyryqtaı jumylý qajet, deıdi olar.
«Biz sıaqty sheteldik ınvestorlar turaqtylyqty qalaıdy. Tek Prezıdent Joldaýy kezinde ǵana emes, jalpy, Qazaqstandaǵy ahýaldan únemi habardarmyz. Óıtkeni el aýmaǵynda uzaq ýaqyt jumys júrgizýge nıettimiz. Jańa jobalar boıynsha jaýapkershiligimiz bar, jańa áriptestermen yntymaqtastyq ornatyp jatyrmyz. Eldegi oń ózgeristerdi Fransıa úkimetiniń ókilderi Qazaqstanǵa baryp, óz kózimen kóre alady», - Orano kompanıalar tobynyń vıse-prezıdenti Pol Marıa.
«Qazaqstan úlken jańarý men transformasıanyń aldynda tur. Bul Ortalyq Azıa aımaǵy úshin erekshe oqıǵa. Jáne de sizderdegi reformalar sóz júzinde ǵana emes, is júzinde de oryndalyp jatqanyna kýámiz», - dedi geosaıası jýrnaldyń bas redaktory Jan-Batıst Noe.
«Prezıdent 16 naýryzda Jańa Qazaqstan tujyrymdamasyn tanystyrdy, al 1 qyrkúıekte ádiletti Qazaqstan týraly aıtyp, áleýmettik jáne saıası basymdyqtarǵa mán berilgen jańa reformalardy jarıalady. Prezıdentterińiz saıası apparatty jetildirý, bılik tájirıbesin jaqsartý baǵytynda naqty sharalar júzege asatynyn jarıalady», - dedi Ifri fransıanyń halyqaralyq qatynastar ınstıtýtynyń zertteýshisi Mıkael Levıston.