OPEK+ kelisimine qatysýshy elderdiń mınıstrler májilisinde Qazaqstannyń aqpan aıyndaǵy munaı óndirý kvotasy 1,589 mln barel bolyp belgilendi, dep habarlaıdy Almaty-akshamy.kz Energetıka mınıstrliginiń baspasóz qyzmetine silteme jasap.
OPEK+ kelisimine qatysýshy elderdiń mınıstrler májilisi beınekonferensıa formatynda ótti. Jıynda jeltoqsan aıynyń deńgeıi talqylandy. Máselen, Qazaqstannyń mindettemelerdi oryndaý deńgeıi jeltoqsan aıynda 122% bolǵan.
«Otyrys qorytyndysy boıynsha, shekteýlerdi tolyq alyp tastaǵanǵa deıin OPEK+ elderiniń qazirgi munaı óndirý deńgeıin aı saıyn táýligine 400 myń barelge arttyrýdy jalǵastyrý týraly sheshim qabyldandy», - dep jazylǵan mınıstrliktiń málimetinde.
Munyń ishinde Qazaqstanǵa belgilengen kvota da artyp otyr.
«Qańtar jáne aqpan aılarynda OPEK+ sheńberinde Qazaqstan úshin kvota sáıkesinshe táýligine 1,572 jáne 1,589 mln bareldi quraıdy. 2022 jylǵy naýryzdaǵy mindettemeler táýligine 1,605 mln bareldi quraıdy», - delingen resmı túsindirmede.