Aýyr atletıkadan Qazaqstan ulttyq quramasynyń bas bapkerleri taǵaıyndaldy, dep habarlaıdy Almaty-akshamy.kz QazAqparatqa silteme jasap.
Qazaqstan aýyr atletıka federasıasy málim etkenindeı, erlerdi Nurjan Smahanov, áıelderdi Ivan Sıvohın bastaǵan mamandar jattyqtyratyn boldy.
Budan buryn federasıa Ulttyq Olımpıada komıteti, sondaı-aq Mádenıet jáne sport mınıstrligimen kelise otyryp, Qazaqstan ulttyq quramasyn eki komandaǵa – erler men áıelderge bólip basqarý týraly sheshim qabyldaǵan bolatyn.
«Nurjan Dáýrenbekuly men Ivan Pavlovıch ekeýi de – joǵary bilikti mamandar. Qurama komandada jumys istegen tájirıbesi bar. Aldaǵy ýaqytta da nátıje shyǵaratynyna senemin. Komandalar bıylǵy alǵashqy oqý-jattyǵý jıynyna kiristi. Eldegi epıdemıologıalyq ahýaldyń nasharlaýyna baılanysty densaýlyq jaǵdaıymen barlyq sportshylar túgel qatysa almady. Degenmen 13 aqpanda bastalatyn ekinshi jıynǵa qos komanda da tolyq quramda keledi dep úmittenemiz», - dedi federasıanyń bas hatshysy Aldıar Nuralınov.