Qazaqstan men Vengrıanyń ekijaqty taýar aınalymy oń qarqynmen damýda
Pandemıaǵa qaramastan, osy jyldyń 8 aıynda ǵana kórsetkish 12% ósti. Taraptar óz kezeginde ózara yntymaqtastyqty arttyrýǵa nıetti, dep habarlaıdy Almaty-akshamy.kz
Qazaqtan tarapy eki el azamattarynyń saparlaryn jeńildetýdi, «Almaty-Býdapesht» áýe reısin iske qosýdy, sondaı-aq Vengrıada QazVac vaksınasyn qoldanýdy usyndy. Aýyl sharýashylyǵy salasynda elder birden keleshegi bar birneshe baǵytty, onyń ishinde sútti mal sharýashylyǵy men qus sharýashylyǵy, qoı sharýashylyǵy salalaryn damytýdy, sondaı-aq vengr seleksıasynyń júgeri tuqymyn óndirýdi qarastyrýǵa kelisim jasasty.
«Taýar aǵyny úlken. Árıne, pandemıa barlyq elge keri áserin tıgizdi. Sondyqtan eki el arasyndaǵy saýda qatynastary úshin ekonomıkalyq jaǵdaı asa qolaıly emess. Alaıda qazir Vengrıanyń eksporty artyp keledi jáne bul kórsetkish, ótken jylmen salystyrǵanda, 58% joǵarylady. Saýda-sattyq shamamen 330 mln dollardy quraıdy. Men ony úlken jetistik dep sanaımyn. Bizdiń delegasıa quramynda 50 vengr kásipkeri bar. Maqsat – isker toptardyń belsendiligin arttyrý. Sondyqtan qos taraptan áriptester tabylyp jatsa, bul iskerlik belsendiliktiń artýyna alyp keledi», - deıdi Vengrıa Premer-Mınıstriniń orynbasary, Qarjy mınıstri Mıhaı Varga.