Eki eldiń TJM delegattary qatysty.
Almaty qalasynda Qazaqstan-Qyrǵyzstan Tótenshe jaǵdaılar mınıstrlikteriniń birlesken besinshi alqa otyrysy ótti, dep habarlady Almaty-akshamy.kz QR TJM baspasóz qyzmetine silteme jasap.
Alqa jumysyna Qazaqstan Respýblıkasynyń Tótenshe jaǵdaılar mınıstri Iýrıı Ilın jáne Qyrǵyz Respýblıkasynyń Tótenshe jaǵdaılar mınıstri Boobek Ajıkeev bastaǵan eki eldiń TJM delegattary qatysty.
İs-sharanyń maqsaty tabıǵı jáne tehnogendik sıpattaǵy tótenshe jaǵdaılardyń aldyn alý boıynsha tórtinshi birlesken alqa otyrysynyń sheshimderi men normatıvtik quqyqtyq aktilerin iske asyrýda eki jaqty yntymaqtastyqty úılestirý.
Otyrys barysynda vedomstvo ókilderi Bishkek qalasynda ornalasqan Orta Azıalyq Jer qoldanbaly zertteý ınstıtýtynyń tájirıbesinde jer silkinisi monıtorıńi júıesin paıdalaný syndy birqatar mańyzdy máseleler talqylandy.
Transshekaralyq ózenderde tótenshe jaǵdaılar men qaýip-qaterlerdiń týyndaýy, sý shyǵyndary týraly aqparattandyrý, transshekaralyq aýmaqta tabıǵı órtterdi sóndirý boıynsha tájirıbe almasý, sonymen qatar qıyn aýmaqtardan ótetin týrıserdiń qaýipsizdigin qamtamasyz etýdiń ózekti máseleleri kezekti ret kóterildi, - delingen aqparatta.
Sondaı-aq, taraptardyń 2015-2030 jyldarǵa arnalǵan apattar qaýpin azaıtý jónindegi Sendaı negizdemelik baǵdarlamasyn iske asyrý boıynsha júrgizilip jatqan jumystar týraly baıandamp tyńdaldy.
Otyrys qorytyndysy boıynsha Qazaqstan men Qyrǵyzstannyń Tótenshe jaǵdaılar mınıstrleri kelesideı kelisimderge keldi:
- tehnogendik jáne tabıǵı sıpattaǵy tótenshe jaǵdaılar kezinde halyqty habardar etý jáne habardar etý júıesin damytý boıynsha tájirıbe almasý;
-sý aıdyndarynda izdestirý-qutqarý jumystaryn pysyqtaý boıynsha birlesken transshekaralyq oqý-jattyǵýlar men TJ den qoıý boıynsha jattyǵýlar jáne súńgýirlik jıyndar ótkizý tájirıbesin jalǵastyrý.
Alqany qorytyndylaı kele, qatysýshylar Qazaqstan men Qyrǵyzstan TJM birlesken alqa otyrystary tıimdi ózara is-qımyldy damytýǵa, vedomstvolar arasynda tájirıbe almasýǵa jáne transshekaralyq sıpattaǵy tótenshe jaǵdaılarǵa birlesip jedel den qoıýǵa yqpal etedi degen ortaq pikirge keldi.