Qazaqstanda FDA kompanıalar tobyn qurý sharty qaraldy
Búgin Astanada QR Ulttyq ekonomıka mınıstriniń m.a. Álibek Qýantyrov Fransıanyń QR-daǵy Tótenshe jáne Ókiletti Elshisi Dıde Kanesspen jáne Fransıalyq damý agenttiginiń Ortalyq Azıadaǵy ókildiginiń óńirlik dırektory Vınsen Kopenmen kezdesti, dep habarlaıdy Almaty-akshamy.kz.
Kezdesý barysynda QR UEM men Fransıanyń damý agenttigi arasyndaǵy yntymaqtastyq máseleleri talqylandy. Sondaı-aq, Qazaqstanda FDA kompanıalar tobyn qurý jáne onyń jumys isteýi týraly úkimetaralyq kelisimniń sharttary qaraldy.
Á.Qýantyrov atap ótkendeı, kelisim jobasynyń negizgi tarmaqtaryna qol jetkizý úshin turaqty negizde ekijaqty kezdesýler ótkizip, ózara is-qımyldy kúsheıtý kerek.
Kezdesý qorytyndysy boıynsha taraptar ekijaqty yntymaqtastyqty odan ári keńeıtýge daıyn ekendikterin bildirdi. Atap aıtqanda, ekonomıkany, onyń ishinde saýdany damytý jáne ınvestısıa tartý.
Eske salaıyq, Fransıa Prezıdentiniń Arnaýly ókili Izabel Dúmon 6 sáýir kúni Qazaqstanǵa saparmen keledi.