Kúmándi ınternet-resýrstar
Áleýmettik jeliler men messendjerlerde zeınetaqy tólemderin qaıta esepteý arqyly ony 30-50%-ǵa arttyrý múmkin ekendigi týraly aqparatqa qatysty Eńbek jáne halyqty áleýmettik qorǵaý mınıstrligi pikir bildirdi, dep habarlaıdy Almaty-akshamy.kz.
Eńbek jáne halyqty áleýmettik qorǵaý mınıstrligi áleýmettik jeliler men messendjerlerde zeınetaqy tólemderin qaıta esepteý arqyly ony 30-50%-ǵa arttyrý týraly aqparattyń shyndyqqa janaspaıtynyn habarlaıdy. Ári bul aqparatta ınternet-alaıaqtyq belgileri baryn naqtylaıdy.
Aıta ketsek, taratylǵan beınerolıkte zeınetaqyny arttyrý úshin 20 jyldan bastap eńbek ótili jáne eńbek kitapshasynda belgili bir jazba bolýy kerek dep aıtylady. Bul jaǵdaıda rolıktiń avtory onyń qandaı jazba ekenin bilý úshin siltemege ótýdi suraıdy.
"Azamattarǵa tekserilmegen siltemelerge ótpeýge, sonymen qatar alaıaqtar paıdalana alatyn kúmándi ınternet-resýrstarda ózderiniń jeke derekterin qaldyrmaýǵa keńes beremiz. Aqparatty tek resmı kózderden paıdalanýdy suraımyz", - delingen resmı habarlamada.
Sondaı-aq quzyrly vedomstvo jalǵan aqparat taratý zańmen qýdalanatynyn eske salady.