QazVac-tan bólek, tumaý men týberkýlezge, ózge de ınfeksıalyq aýrýlarǵa qarsy ekpeler bar.
Búgin Jambyldaǵy «Bıologıalyq qaýipsizdik problemalary» ǵylymı-zertteý ınstıtýtynyń janynan bıofarmasevtıkalyq zaýyt ashyldy, dep habarlaıdy Almaty-akshamy.kz
Budan bylaı elimizde jyl saıyn ınfeksıalyq aýrýlarǵa qarsy 60 mln doza vaksına shyǵarylady.
Memleket basshysy Qasym-Jomart Toqaev búgin Otar eldi mekenine arnaıy kelip, zaýytty aralap kórdi. Mundaı joba Orta Azıa aýmaǵynda alǵash bop bizdiń elde júzege asyp otyr. Mekemege myqty mamandardy tartý úshin memleket bar jaǵdaıdy jasaýda. Prezıdent tapsyrmasymen qyzmetkerlerge arnalǵan 180 páterli úı salyndy. Janynda sport-saýyqtyrý kesheni bar. Ǵalymdardyń jalaqysy da eki esege artty.
«Barshańyzdy quttyqtaımyn. Shyn máninde úlken jetistik. Elimiz úshin óte qajetti óndiris. Jańa ǵana qarap shyqtym. Negizgi jumys oryndaldy. Bári durys. Endi bul jumys jalǵasyn tabady. Kelesi jyly jalǵastyramyz, vaksına óte tıimdi. Gýmanıtarlyq kómek retinde bul vaksınany Aýǵanstanǵa, basqa da musylman elderine jiberemiz. Dúnıe júzinde moıyndalyp jatyr, barshańyzdy quttyqtaımyn. Rızashylyǵymdy bildiremin», - dedi Qasym-Jomart Toqaev.