Atalmysh kýbok Túrkıada bastaldy.
Jarysta Qazaqstan quramasynyń úsh komandasy baq synaıdy, dep habarlaıdy Almaty-akshamy.kz.
Túrkıanyń Antalıa qalasynda asyq atý men toǵyzqumalaqtan Eýrazıa kýbogy bastaldy. Oǵan Qazaqstan quramasy sapynda asyq atýdan 3 komanda bolsa, Túrkıa 5 komanda qatystyryp jatyr.
Budan basqa, Qyrǵyzstan, Chehıa, Germanıa jáne Rýmynıadan kelgen asyqshylar jarys kórigin qyzdyra túsken. Jalpy alǵanda, asyq atý men bes asyqtan barlyǵy 66 sportshy synǵa túsip otyr.
Keshe jarystyń birinshi kúni aldyn ala oıyndar boldy. Búgin de ózara myqtylar anyqtalyp, 2 aqpan kúni jartylaı fınalǵa shyqqandar belgili bolady. Fınaldyq oıyndar 3 aqpan kúni ótip, Eýrazıa kýbogynyń ıegerleri anyqtalady.
Nazarlaryńyzǵa Túrkıada el namysyn qorǵap jatqan ulttyq qurama músheleriniń tizimin usynamyz:
ASYQ ATÝ
«Qazaqstan – 1»
- Erkebaı Sársekov
- Tımýr Ábilov
- Qalıbek Qýan
«Qazaqstan – 2»
- Saıat Qızat
- Almas Jarmaǵambetov
«Qazaqstan – 3»
- Qaırat Jetpisov
- Qýat Boranalın
«Qazaqstan – 1» quramasy sapyndaǵy Erkebaı Sársekov – byltyr Rýmynıada ótken álem kýbogynyń ıegeri.
BES ASYQ
«Qazaqstan – 1»
- Sánıa Zeıkenova
- Mereke Shanabaı
«Qazaqstan – 2»
- Mereı Súleımen
- Kógershin Dýman
Bes asyqtan ulttyq qurama múshesi – Sánıa Zeıkenova Azıa chempıonatynyń júldegeri. Dodaǵa Qyrǵyzstannan kelgen halyqaralyq dárejedegi sport sheberleri Iskender Kojokeev pen Nýrmýhamed Abdolovtar da qatysyp otyr. Eýrazıa kýbogyna Jomart Sabyrjanov bastaǵan tóreshiler Samat Aýkenov pen Aǵjan Suraǵanovtar qazylyq etedi.