Jaýyn-shashyn mólsherge saı bolmaq.
Sınoptıkter aqpanǵa arnalǵan aýa raıy boljamyn jarıalady, dep habarlaıdy Almaty-akshamy.kz.
Sınoptıkterdiń málimetinshe, aqpannyń birinshi onkúndiginde respýblıkanyń ońtústik jartysynyń turǵyndaryn jyly jáne jaýyn-shashyndy aýa raıy kútedi. Ońtústik sıklondardyń jıi shyǵýy qarqyndy jaýyn-shashynnyń túsýine ákeledi, Qazaqstannyń ońtústigi men ońtústik-shyǵysyndaǵy taýly aýdandarynda qatty jaýyn-shashyn (jańbyr, qar) kútiledi. Aýa temperatýrasy túnde -2+5°S-qa deıin, kúndiz +5+12 gradýsqa deıin joǵarylaıdy. Onkúndiktiń sońynda qaıtadan túnde -3-15 gradýsqa deıin, kúndiz 0,+8 gradýsqa deıin salqyndaıdy.
«Elimizdiń batys aımaqtaryna Soltústik-batys sıklonmen baılanysty atmosferalyq fronttar áser etedi, birinshi onkúndikte batys aımaqtardyń turǵyndaryn aýa raıynyń turaqsyz sıpaty, jańbyr men jylbysqy qar túrindegi aralas jaýyn-shashyn men ekpindi jel kútedi. Aýa temperatýrasynyń kúndizgi fony -3+5 gradýsqa sheginde boljanady», - delingen habarlamada.
QR qalǵan aımaqtarynda birinshi onkúndiktiń birinshi jartysynda Sibir antısıklonynyń áserimen aıazdy, negizinen jaýyn-shashynsyz aýa raıy saqtalady. Kezeńniń ekinshi jartysynda Sibir antısıklony álsireıdi, Jerorta teńizi aýdandarynan sıklon respýblıkanyń soltústik-batysyna qaraı jyljıdy, elimizdiń soltústik jartysynda atmosferalyq fronttardyń kúsheıýimen qar jaýýy, burqasyn, jeldiń kúsheıýi 15-25 m/s deıin boljanady.
Aýa temperatýrasy joǵarylaıdy:
elimizdiń soltústiginde túnde -20-28°S-tan -15-20 gradýsqa deıin, kúndiz -8-18 gradýstan -5-10 gradýsqa deıin;
ortalyq aımaqtarda aýa temperatýrasy túnde -13-28 gradýstan -7-15 gradýsqa deıin, kúndiz -7-12 gradýstan -1-7gradýsqa deıin aýytqıdy;
elimizdiń shyǵysynda aýa temperatýrasynyń basym fony túnde
-15-28 gradýs, kúndiz -5-15 gradýs shamasynda boljanady.
«Aýanyń ortasha aılyq temperatýrasy respýblıkanyń basym bóliginde norma shamasynda, Shyǵys Qazaqstan oblysynda, Abaı oblysynyń basym bóliginde, Pavlodar oblysynyń soltústik-shyǵys jartysynda, Mańǵystaý oblysynyń ońtústik-shyǵysynda, Aqtóbe oblysynyń qıyr ońtústiginde, Qyzylorda, Túrkistan, Jambyl, Almaty oblystarynyń ońtústik jartysynda jáne Jetisý oblysynyń ońtústik-shyǵys jartysynda normadan 1 gradýstan joǵary bolady dep kútiledi», - delingen "Qazgıdromet" habarlamasynda.
Aqpanda jaýyn-shashyn mólsheri respýblıkanyń basym bóliginde norma shamasynda, Túrkistan, Jambyl oblystarynda, Qyzylorda, Almaty oblystarynyń basym bóliginde, Shyǵys Qazaqstan oblysynyń ońtústik-shyǵys jartysynda, Abaı oblysynyń qıyr ońtústik-shyǵysynda jáne Jetisý oblysynyń ońtústik-shyǵys jartysynda normadan kóp bolady dep boljanyp otyr.
Aqpannyń ekinshi jáne úshinshi onkúndikterinde respýblıka boıynsha aýa-raıynyń turaqsyz sıpaty boljanady: elimizdiń basym bóliginde negizinen qarmen burqasyn, QR ońtústiginde jaýyn-shashyn (jańbyr, qar), tuman, kóktaıǵaq kútiledi.
Aýa temperatýrasynyń aýytqýy kútiledi:
elimizdiń batys óńirlerinde túnde -15-25 gradýstan -7-15 gradýsqa deıin, kúndiz -5-10 gradýstan -5+5 gradýsqa deıin;
respýblıkanyń soltústik, ortalyq jáne shyǵys óńirlerinde túnde -20-30 gradýstan -10-15 gradýsqa deıin, kúndiz -10-15 gradýstan -2-7 gradýsqa deıin;
QR ońtústiginde, ońtústik-shyǵysynda túnde -10-18 gradýstan 0,-5 gradýsqa deıin, kúndiz 0,-5 gradýstan +3+10 gradýsqa deıin.