Mbappe mach núktesin qoıdy, esep 8:0
Fýtboldan Qazaqstan quramasy 2022 jylǵy álem chempıonatynyń irikteý kezeńin antırekordpen aıaqtady, dep habarlaıdy Almaty-akshamy.kz Prosports.kz-ke silteme jasap.
İrikteý kezeńniń 8-týrynda qazaqstandyqtar álem chempıony Fransıaǵa qonaqqa barǵan. Bul oıynda Talǵat Baısýfınov jas fýtbolshylarǵa ıek artty. Al fransýzdar alańǵa negizgi quramyn shyǵardy.
Nátıjesinde alań ıeleri úziliske deıin jaýapsyz úsh gol toǵytyp tastady. Úsh goldy da Kılıan Mbappe soqty. Ol aldymen 6, keıin 12-mınýtta kózge tústi, al 32-mınýtta het-trık avtory atandy.
Ekinshi taımda da Fransıa fýtbolshylary qarqynyn azaıtqan joq. 55 jáne 59-mınýttarda Karım Benzema esepti ulǵaıtty.
Kezdesýdiń 75-mınýtta Adrıen Rabo komandasynyń altynshy golyn saldy. 84-mınýtta Antýan Grızmann penaltıden gol salyp, esepti 7:0 qyldy.
Biraq mach munymen bitken joq. 87-mınýtta Mbappe mach núktesin qoıdy - 8:0.
Qazaqstan óz tarıhynda resmı machtarda mundaı iri eseppen jeńilip kórmegen. Sondyqtan 0:8 Qazaqstan tarıhyndaǵy eń iri jeńilis retinde tirkelip otyr.
Osylaısha, Qazaqstannyń ÁCH-2022 irikteý kezeńindegi jarys joly aıaqtaldy. Komanda segiz machtyń úsheýinde teń túsip, qalǵan beseýinde jeńilip qaldy. Baısýfınov shákirtteri D tobynda sońǵy oryn aldy. Al Fransıa quramasy topta kósh bastap, Katardaǵy álem chempıonatyna shyqty.
Álem chempıonaty – 2022. İrikteý kezeńi. D toby. 8-týr.
Fransıa – Qazaqstan 8:0 (3:0)
Goldar: Mbappe 6, 12, 32, 97, Benzema 55, 59, Rabo 75, Grızmann pen. 84.
Fransıa: Lorıs (Q, K), L. Ernandes (Langle 79), Iýpamekano, Kýnde, T. Ernandes, Kante (Chýamenı 72), Rabo, Koman (Pavar 79), Benzema (M. Dábı 72), Grızmann, Mbappe (Ben-Iedder 88).
QAzaqstan: S. Pokatılov (Q), Taıkenov, Álip, Marochkın, Erlanov, Bystrov (Qaıyrov 85), Jarynbetov, Qýat, Tapalov (Baıtana 68), Ómirtaev (Vasılev 61), Aıymbetov (A. Jaqsylyqov 61).