Tolyqtaı saýyqqansha qant, tuz, gazdalǵan sýsyn jáne shujyq jemegen jón
Koronavırýspen aýyryp júrgende aǵzany sergitý úshin kofe nemese energetıkalyq sýsyndardy ishýdiń qajeti joq, dep habarlaıdy Almaty-akshamy.kz.
Dıetolog-dáriger Elena Solomatınanyń aıtýynasha, kofeın adamnyń júıke júıesine salmaq túsiredi, al koronavırýs kezinde kerisinshe tynyǵý kerek.
«Moskva 24» basylymynyń jazýynsha, COVID-19 kezinde naýqastarda negizinen sharshaý men basaınalý kezdesedi. Al, adamdar uıyqtap tynyǵýdyń ornyna, aǵzasyn sergitýdi jón sanaıdy eken.
Dárigerdiń aıtýynsha, uıqy- adam aǵzasyn emdeıdi. Sondyqtan tynyǵýdy qalap turǵan aǵzany jasandy jolmen kedergi keltirýge bolmaıdy. Óıtkeni koronavırýs kezinde aǵzaǵa tynyqqan mańyzdy.
Solomatına syrqat kezinde kóp mólsherde sý ishýge keńes berdi. Al, tamaqqa kelsek negizinen jumyrtqa, teńiz azyǵy, maıly balyq jáne ashytylǵan sút ónimderin tutynǵan jón deıdi. Tolyqtaı saýyqqansha qant, tuz, gazdalǵan sýsyn jáne shujyq, bekon sıaqty óńdelgen etten bas tarta turǵan durys.
Dáriger bul taǵamdardyń barlyǵy koronavırýspen kúresip jatqan ımýndyq júıege kedergi keltiretinin aıtady, tipten qosymsha problema týdyryp, syrqattyń asqynýyna ákelýi múmkin.
Dıetolog sondaı-aq aýrýdyń aldyn alýdy da umytpaý kerektigin aıtty. Negizinen jumyrtqa jeýge keńes berdi, óıtkeni onyń quramynda qajetti dárýmender kóp. Oǵan qosa sary-qyzǵylt sary taǵamdardyń shyryshty qabatty kúsheıtetin qasıeti bar.