Almaty qalasyndaǵy №40 ýchaskesine arnaıy baryp, daýys berdim. Bıliktiń qazirgi jasap jatqan batyl reformalaryn tolyq qoldaımyn. Buǵan deıin de birneshe basylymda oıymdy bildirgenmin.
Ata Zańdy qaıtyp qaramasaq bolmaıtynyn ýaqyt ózi kórsetti. Ulttyq kitaphanada Qazaqstan Jazýshylar odaǵy keńeıtilgen otyrys ótkizdi. Sonda odaqtyń músheleri, aqyndar men jazýshylarmen birge Prezıdenttiń Konstıtýsıaǵa engizgen ózgeristerin referendým aıasynda jalpyhalyqtyq daýys berýge shaqyryp, pikirimizdi jan-jaqty bólistik.
Ata Zań baptarynyń 1/3 ózgeredi dedi. 27 jyl buryn 1995 jyldyń qarasha aıynda konstıtýsıalyq zań qabyldaǵany belgili. Odan beri 4 ret ózgeris engizildi. Al bul jolǵy ózgeris tipten bólek. Óıtkeni 30 jyl ýaqyt ótti.
Búginnen keıin biraz reformany júzege asyrýǵa mindettimiz. Zańnyń jetilmegen jerin jetildirýge tıistimiz. Máselen, ekonomıkalyq, quqyqtyq bolsyn, kez kelgen salada zańdy kúsheıtýdi ýaqyt kórsetip otyr. Halyqtyń eńsesin, áleýmettik jaǵdaıyn kóterý degen sıaqty kezek kúttirmeıtin kezeńge keldik dep oılaımyn.