Qala turǵyndary referendýmǵa engizilgen túzetýlermen jaqsy tanys. Bul pikirdi Reseı Federasıasynyń halyqaralyq baqylaýshysy, Lenıngrad oblysynyń jergilikti ózin-ózi basqarý, ultaralyq jáne konfesıaaralyq qatynastar komıtetiniń tóraǵasy Lıra Býrak málimdedi.
«Búgin men jeti saılaý ýchaskesine bardym, barlyq jerde jaqsy jaǵdaı jasalǵan, patrıottyq ánder oınap tur. Saılaýshylar úshin osyndaı jaǵymdy emosıonaldy jaǵdaı mańyzdy», – dep bólisti baıqaýshy.
Lıra Býraktyń aıtýynsha, almatylyqtar bul sáttiń mańyzdylyǵyn túsinedi – qala turǵyndarynyń belsendiligi joǵary.
«Búgingi daýys berý nátıjesi sizdiń bolashaq ómirińizge belgili bir negiz bolady. Saılaý ýchaskelerin uıymdastyrýǵa keletin bolsaq, bul joǵary deńgeıde jasalǵan, rásimdeý, jabdyqtar turǵysynan eshqandaı buzýshylyqtar anyqtalǵan joq», – dep qorytyndylady Lıra Býrak.