Vladımır Pýtın Qasym-Jomart Toqaevqa Reseı men Ýkraına arasyndaǵy kelissózderdiń barysy týraly málimet berdi
Memleket basshysy Qasym-Jomart Toqaev Reseı Prezıdenti Vladımır Pýtınmen telefon arqyly sóılesti.
Bul týraly Aqordanyń baspasóz qyzmeti habarlady.
Prezıdentter eki memleket arasyndaǵy saýda-ekonomıkalyq yntymaqtastyqtyń qazirgi jaǵdaıy men damý perspektıvalaryn egjeı-tegjeıli talqylady.
Ekijaqty saýda-sattyqtyń qarqynyn saqtaý úshin eki el úkimetteri arasynda eń mańyzdy taýar túrleri boıynsha yqpaldastyqty jandandyrý týraly ýaǵdalastyqqa qol jetkizildi.
Vladımır Pýtın Qasym-Jomart Toqaevqa Reseı men Ýkraına arasyndaǵy kelissózderdiń barysy týraly málimet berdi. Ýkraınanyń beıtaraptyq, bloktardan tys, ıadrolyq qarýsyzdyq mártebesine qatysty ýaǵdalastyqqa qol jetkizýdiń asa mańyzdylyǵy jónindegi ortaq túsinistik týraly aıtyldy.