Memleket basshysy Qasym-Jomart Toqaevtyń Almaty qalasy jurtshylyǵymen kezdesýi ótip jatyr, dep habarlaıdy Almaty-akshamy.kz.
«Halqymyzdyń birtutas ult retinde saqtalýy qasterli Táýelsizdigimizdi qorǵaı bilýimizge baılanysty. Sol sebepti, árbir isimiz memleket múddesine saı bolýy qajet. Azamattardyń boıynda osy qasıetter bolsa jáne elimizdiń basty qundylyqtaryn ornyqtyra bilsek, bolashaǵymyz baıandy bolaryna kámil senemin.
Memleketimizdiń basty qundylyqtaryna toqtalaıyn. Eń aldymen – el birligi. Elimizdiń bútindigi, jerimizdiń tutastyǵy, qoǵamnyń turaqtylyǵy jáne tynyshtyǵy berekeli birlikten bastalady. Tiline, dinine, násiline qaramastan, Qazaqstannyń barsha azamattary – birtutas halyq, birtutas ult.
Bul – eshqashan myzǵymaıtyn qaǵıda. Sebebi, bul qaǵıda elimizdiń turaqtylyǵyn, jalpy aıtqanda, qaýipsizdigin qamtamasyz etedi».