Fýmıo Kıshıda búgin Japonıanyń júzinshi Premeri bolyp saılandy.
Jedelhatta Memleket basshysy Qasym-Jomart Toqaev Fýmıo Kıshıdany Japonıanyń Premer-mınıstri laýazymyna saılanýymen shyn júrekten quttyqtaǵan, dep habarlaıdy Almaty-akshamy.kz
«Japonıanyń baıandy órkendeýin jalǵastyrýǵa, elińizdiń dúnıejúzilik qaýymdastyqtaǵy bedelin asqaqtatýǵa baǵyttalǵan ıgi isterińiz ben jańa bastamalaryńyz árdaıym tabysty bolýyna tilektespin. Qazaqstan men Japonıa arasyndaǵy keńeıtilgen strategıalyq seriktestigimizdi búginnen de bıik belesterge kóterýdi asyl maqsat tutyp, san qyrly salalardaǵy ózara tıimdi yntymaqtastyǵymyzdy odan ári nyǵaıtý úshin Sizben kúsh-jiger jumyldyrýǵa daıyn ekenimdi rastaımyn», – delingen quttyqtaý hatta.
Qasym-Jomart Toqaev Fýmıo Kıshıdaǵa qajymas qaırat, asa jaýapty qyzmette laıym sáttilik, al dostas japon halqyna qut-bereke tilegen.