Qant monopolıseriniń qyzmetin tekserý kerek.
Premer-Mınıstr Álıhan Smaıylov ekonomıkany Demonopolızasıalaý jónindegi komısıanyń kezekti otyrysynda osyndaı tapsyrma berdi, dep habarlaıdy Almaty-akshamy.kz
Elimizde qanttyń negizgi kólemi Jambyl jáne Almaty oblystarynda ornalasqan tórt zaýytta óndiriledi. Básekelestikti qorǵaý jáne damytý agenttiginiń málimetinshe, elde óndirilgen qanttyń shamamen 90%-yn iri kóterme jetkizýshi satyp alǵan. Onyń is-áreketterinen taýardy aınalymnan alyp qoıý belgileri baıqalyp otyr. Saldarynan qanttyń naryqtyq baǵasy 700-800 teńgege deıin kóterilgen, al óndirýshi zaýyt ony 420-450 teńgeden satady.
Osyǵan baılanysty monopolıaǵa qarsy zańnamany buzý belgileri boıynsha tergeý taǵaıyndaldy. Jıynda salaǵa baqylaýdy qatańdatý, ımporttaýshylardy bırja arqyly qant ótkizýge mindetteý usynyldy. Premer-Mınıstr zańnamany buzý belgileri boıynsha kompanıaǵa qatysty tergeýdi jalǵastyrýdy tapsyrdy. Ári Saýda jáne ıntegrasıa mınıstrligi, Aýyl sharýashylyǵy mınıstrligi jáne ákimdiktermen birlesip, otandyq qant zaýyttaryna shıkizat satyp alýǵa «aınalym sqemasy» boıynsha qarajattyń bir bóligin jiberý máselesin pysyqtaýdy tapsyrdy.