Jańa Ádep kodeksi qyzmettik ádep standarttaryn belgileıdi jáne memlekettik qyzmetshilerdiń moraldyq-adamgershilik qasıetterin qalyptastyrýǵa negiz bolady.
Memlekettik qyzmetshilerdiń tártiptik jaýapkershiligi jáne qyzmettik ádep máseleleri jónindegi zańnamany jetildirý maqsatynda Prezıdenttiń 2022 jylǵy 22 aqpandaǵy Jarlyǵymen memlekettik qyzmetshilerdiń Ádep kodeksiniń jańa redaksıasy bekitildi, dep habarlaıdy Almaty-akshamy.kz
Sondaı-aq, memlekettik qyzmettiń ádeptik qaǵıdattary aıqyndaldy, olar – adaldyq, ádildik, ashyqtyq, sypaıylyq jáne klıentke baǵdarlaný.
Kodekstiń jańa redaksıasynda «klıentke baǵdarlanǵan» memlekettik apparatty qalyptastyrý jáne memlekettik qyzmetterdi kórsetýde ashyqtyq qaǵıdattaryn saqtaý boıynsha basym talaptar qarastyrylǵan.
Sondaı-aq, memlekettik qyzmetshilerge tártiptik jaza qoldaný qaǵıdalary men Ádep jónindegi keńester týraly erejege ózgerister engizildi.
Tártiptik jaza qoldaný qaǵıdalarynda qyzmettik tergep-tekserý, tártiptik komısıa materıaldaryn qaraý tártibi jáne tártiptik komısıanyń usynymy boıynsha ýákiletti adamnyń sheshim qabyldaý merzimderi naqtylandy.
Sonymen birge, agenttiktiń Ádep jónindegi komısıasyna oblys, respýblıkalyq mańyzy bar qalalar jáne astana ákimderi orynbasarlarynyń, oblystyq mańyzy bar qalalardyń, oblys aýdandary men qala aýdandary ákimderiniń, oblystardyń ákimshilik ortalyqtary bolyp tabylatyn qala ákimderiniń, komıtetter tóraǵalarynyń, sondaı-aq oblys ákimi apparat basshylarynyń qyzmettik ádep normalaryn buzǵany jáne memlekettik qyzmetke kir keltiretin teris qylyqtar jasaǵany úshin tártiptik jaýapkershiligin qaraýǵa ókilettik berilgen.
Jarlyq mátinimen agenttiktiń ınternet-resýrsynda tanysýǵa bolady.