Jumys berýshi men jumys izdegenderdi tabystyratyn alań – hh.kz servısiniń málimeti boıynsha.
Mundaǵy usynystardyń kóbi Almaty qalasy men elordaǵa tıesili, dep habarlaıdy Almaty-akshamy.kz İnbusiness.kz-ke silteme jasap.
Qazaqstanda qashyqtan jumys isteýge eń qolaıly qalalar – Almaty men Nur-Sultan.
Atalǵan megapolısterde qashyqtan jumys isteý boıynsha eń kóp usynystar tirkelgen. 2021 jyly Almatyda tórt myńǵa jýyq, al Nur-Sultanda úsh myńǵa jýyq jumys berýshi osyndaı talaptar boıynsha maman izdegen. Olardan keıingi orynda Qaraǵandy, Shymkent jáne Atyraý tur.
2021 jyly jumys berýshiler qashyqtan jumys isteıtinderge usynǵysy kelgen ortasha jalaqy 156 000 teńge bolǵan. Degenmen, elordadaǵy jalaqy kólemi áldeqaıda joǵary – shamamen 312 myń. Odan keıingi joǵary jalaqy Almatyda – 240 myń teńge jáne Shymkentte – 215 myń teńge.
Óz qyzmetkerlerine keńseden tys jumys isteý múmkindigin usynýǵa daıyn kompanıalardyń jetekshi úshtigine mynalar – aqparattyq tehnologıalar, iskerlik qyzmetter jáne bilim berý mekemeleri (memlekettik emes) kiredi.