Qaırat Satybaldyuly óz kinásin moıyndaıtynyn jáne istegen isine tolyqtaı ókinetinin málimdedi.
Memlekettik aıyptaýshy sotta Qaırat Satybaldyulyn alty jylǵa bas bostandyǵynan aıyrýdy surady, dep habarlaıdy Almaty-akshamy.kz
Prokýratýra ókili Jangeldi Esebaev sottan Qaırat Satybaldyulyn múlkin tárkilep, belgili bir laýazymdardy atqarý quqyǵynan 10 jyl merzimge aıyra otyryp, alty jylǵa bas bostandyǵynan aıyrýdy surady.
«Jazasyn ortasha qaýipsiz mekemede óteý anyqtalsyn, Prezıdentke Satybaldyulyn Ulttyq qaýipsizdik organdarynyń general-maıory ataǵynan, sondaı-aq «Qurmet» jáne «Parasat» ordenderinen aıyrý týraly usynys engizilsin. Satybaldyulynyń qamaýda ustaý ýaqyty jaza merzimine 1 kún - 1,5 kún bolyp eseptelsin», - dedi prokýratýra ókili Jangeldi Esebaev.
Sonymen qatar, ol prokýror usynǵan jaza túri jáne mólsherimen kelisetinin málimdedi.