Kezekten tys Prezıdent saılaýy 2022 jyldyń 20 qarashasynda ótedi.
Árbir kandıdatty qoldaýǵa 118 myń 273 saılaýshynyń qoly jınalýǵa tıis, dep habarlaıdy Almaty-akshamy.kz
Elimizde Prezıdenttikke úmitkerlerdi usyný bastaldy. Kezekten tys prezıdenttik saılaýǵa kandıdattardy usyný 11 qazanda aıaqtalady.
Kandıdattardy usyný quqyǵy belgilengen tártippen tirkelgen respýblıkalyq qoǵamdyq birlestikterge tıesili.
Konstıtýsıaǵa sáıkes, úmitkerlerge kelesi talaptar qoıylady: azamattyǵy, sońǵy 15 jyldan beri Qazaqstan aýmaǵynda turýy, joǵary biliminiń bolýy, 40 jasqa tolýy, belsendi saılaý quqyǵynyń bolýy, memlekettik qyzmette nemese saılanbaly laýazymdarda kem degende 5 jyl jumys tájirıbesiniń bolýy, memlekettik tildi erkin meńgerýi.
Budan bólek kandıdat eń tómengi jalaqynyń 50 eselengen mólsherinde (3 mln teńge) saılaý jarnasyn engizedi. Jalaqynyń eń tómen mólsheri 60 myń teńgeni quraıdy.
Eger saılaý qorytyndylary boıynsha úmitker Memleket basshysy bolyp saılansa nemese daýys berý qorytyndysy boıynsha kandıdat daýys berýge qatysqan saılaýshylar daýysynyń keminde 5%-yn alsa, engizilgen jarna kandıdatqa qaıtarylady. Qalǵan jaǵdaılarda engizilgen jarna qaıtarylýǵa jatpaıdy jáne respýblıkalyq búdjet kirisine alynady.
Qol qoıý paraqtary úmitkerdiń Konstıtýsıa men Konstıtýsıalyq zańnyń talaptaryna sáıkestigi anyqtalǵannan keıin 5 kún ishinde berilýge tıis.
2022 jylǵy 1 shildedegi jaǵdaı boıynsha, Ortalyq saılaý komısıasynyń derekterine sáıkes saılaýshylar tiziminde 11 mln 827 myń 277 azamat bar.
Árbir kandıdatty qoldaýǵa 118 myń 273 saılaýshynyń qoly jınalýy tıis.
Saılaý aldyndaǵy úgit-nasıhat jumysy 2022 jylǵy 21 qazan saǵat 18:00-de bastalyp, 18 qarashaǵa deıin jalǵasady. 19 qarasha – únsizdik kúni. Ortalyq saılaý komısıasy 21-22 qarasha aralyǵynda saılaýdyń aldyn ala qorytyndysyn shyǵarady. 21-27 qarasha aralyǵynda nátıjelerdi anyqtaý men saılanǵan prezıdentti tirkeý júrgiziledi.