Elimizdiń Prezıdenti Qasym-Jomart Toqaevtyń Qazaqstan halqyna kezekti Joldaýy
Memleket basshysy Qasym-Jomart Toqaev óziniń Qazaqstan halqyna kezekti Joldaýynda Ulttyq bank pen Úkimetti ınflásıany 6-4 paıyz dálizine qaıtarýǵa mindettedi, dep habarlaıdy Almaty-akshamy.kz QazAqparat saıtyna silteme jasap.
«Biz ınflásıanyń baqylaýsyz ósimine tap keldik. Ulttyq bank, Úkimet ony álemdik tendensıalarǵa siltep, ınflásıa aldynda dármensiz bolyp shyqty. Mundaı sıpattaǵy jeleýler ulttyq ekonomıkanyń qaýqarsyzdyǵyn kórsetedi. Taǵy bir suraq týyndaıdy. Sonda bizdiń kásibı ekonomıserdiń róli nede? Ulttyq bank pen Úkimettiń basty mindeti – ınflásıany 6-4 paıyz dálizine qaıtarý», - dedi QR Prezıdenti.
Sonymen qatar, ol Ulttyq qordyń aktıvterin qalpyna keltirý úshin búdjettik erejege kóshýdi jedeldetýdi tapsyrdy.
«Sońǵy kezde memlekettik shyǵys mindettemelerin jabý úshin búdjet tapshylyǵy men Ulttyq qordan alynatyn transferttiń artý tendensıasy baıqalýda. Únemi mundaı jeńil jolmen júrý múmkin emes. Qarjylyq turaqtylyq qory sheksiz emes. Búdjettiń kirisin arttyrý boıynsha sharalar qajet ekeni anyq. Biraq birinshi kezekte memlekettik shyǵyndardyń kólemi men tıimdiligine baqylaý kerek. Ulttyq qor aktıvterin qalpyna keltirý úshin búdjettik erejeni engizýdi jedeldetý kerek. Tıisti zańnamalyq túzetýler jyldyń sońyna deıin qabyldanýy qajet», - dedi Prezıdent.