Memleket basshysy energetıka jáne ınjenerlik ınfraqurylymdy damytý máseleleri jóninde keńes ótkizdi.
Prezıdent Qasym-Jomart Toqaevtyń tóraǵalyǵymen energetıka jáne ınjenerlik ınfraqurylymdy damytý máseleleri jóninde keńes ótti. Jıynǵa Premer-Mınıstr Álıhan Smaıylov, Úkimet músheleri, memlekettik organdar men ulttyq kompanıalardyń basshylary, óńirlerdiń ákimderi qatysty, dep habarlaıdy Almaty-akshamy.kz
Keńeske qatysýshylar Qazaqstandaǵy elektr energetıkasy salasy men atom ónerkásibin damytýdyń perspektıvalaryn, energetıkalyq tıimdilikti arttyrý jáne elektr energıasy tapshylyǵyn sheshý máselelerin qarastyrdy.
Sonymen qatar teńgerimdi tarıf saıasatyn engizýdiń naqty aspektileri men elektr energetıkasy jáne turǵyn-úı komýnaldyq sharýashylyǵy salalaryndaǵy iri jobalardy iske asyrý barysy talqylandy.
Qasym-Jomart Toqaev turǵyn-úı komýnaldyq sharýashylyǵyn jáne qýat óndirýshi stansıalardy jańǵyrtý, jańa tehnologıalardy engizý jáne salany sıfrlandyrý, elektr jelilerindegi apattardy azaıtý jóninde birqatar tapsyrma berdi. Memleket basshysy Energetıka mınıstrligi men Qarjy monıtorıńi agenttigine Qazaqstandaǵy zańsyz maınıng máselesin túbegeıli sheshýdi tapsyrdy.
Jıyn barysynda Energetıka mınıstri Bolat Aqsholaqov, «Samuryq-Qazyna» aksıonerlik qoǵamynyń basqarma tóraǵasy Almasadam Sátqalıev, Indýstrıa jáne ınfraqurylymdyq damý mınıstri Qaıyrbek Óskenbaev, Ulttyq ekonomıka mınıstri Álibek Qýantyrov, Básekelestikti qorǵaý jáne damytý agenttiginiń tóraǵasy Serik Jumanǵarın jáne basqalar baıandama jasady.