Qazaqstanda bank kartochkalary arqyly 93,7 trln teńgege operasıa jasaldy – Ulttyq bank
Ótken jyly Qazaqstanda bank kartochkalary arqyly 93,7 trln teńge somasyna operasıa jasaldy, dep habarlaıdy Almaty-akshamy.kz Ulttyq bankke silteme jasap.
«2021 jyly qazaqstandyq bankterdiń tólem kartochkalary arqyly jalpy kólemi 93,7 trln teńge somaǵa 6,5 mlrd operasıa júrgizildi (2020 jyly – 52 trln teńge somaǵa 3,2 mlrd operasıa júrgizildi). Tólem kartochkalary boıynsha operasıalar kóleminiń 78% (73,1 trln teńge) qolma-qol aqshasyz tásilmen júrgizildi. 22% (20,6 trln teńge) bankomattardan qolma-qol aqsha retinde alyndy», - delingen UB habarlamasynda.
Sondaı-aq ótken jyly árbir besinshi qolma-qol aqshasyz operasıanyń úsheýi ınternet jáne mobıldi bankıng arqyly júrgizilgen. Olardyń jalpy kólemdegi úlesi 83% quraıdy. Ortasha alǵanda, ınternet jáne mobıldi bankıng arqyly kúndelikti júrgizilgen operasıalar sany 11,5 mıllıonnan asty, jalpy somasy - 167 mlrd teńge.
«Tólem kartochkalaryn paıdalana otyryp, taýarlar men qyzmetterge aqy tóleý úshin ınfraqurylym keńeıýde. POS-termınaldardyń sany 2,4 esege ósip, 509 myń birlikti qurady. Naryqtaǵy POS-termınaldardyń 97% janasýsyz tólem fýnksıasyn qoldaıdy. Tólem kartochkalaryn qabyldaıtyn kásipkerler sany 2,5 esege ósip, 274 myńdy qurady», - dedi Ulttyq bankte.