Prezıdent UQSHU Ujymdyq qaýipsizdik keńesiniń kezekten tys sesıasyna qatysty

Búgin elimizde qalyptasqan jaǵdaıǵa baılanysty Qazaqstan Prezıdentiniń bastamasymen shaqyrylǵan Ujymdyq qaýipsizdik shart uıymy Ujymdyq qaýipsizdik keńesiniń kezekten tys sesıasy beınebaılanys rejıminde ótti

Jıynǵa Qasym-Jomart Toqaevpen qatar Armenıanyń Premer-mınıstri Nıkol Pashınán, Belarýs Prezıdenti Aleksandr Lýkashenko, Reseı Prezıdenti Vladımır Pýtın, Tájikstan Prezıdenti Emomalı Rahmon, Qyrǵyzstan Mınıstrler kabınetiniń Tóraǵasy –  Prezıdent Ákimshiliginiń Basshysy Aqylbek Japarov jáne UQSHU Bas hatshysy Stanıslav Zas qatysty, dep habarlaıdy Almaty-akshamy.kz Akorda.kz-ke silteme jasap

Qazaqstan Prezıdenti sesıa qatysýshylaryna elimizde qalyptasqan ahýal men ony turaqtandyrý úshin qabyldanyp jatqan sharalar týraly málimet berdi. Memleket basshysy UQSHU boıynsha áriptesterine kórsetken kómekteri úshin rızashylyǵyn bildirdi.

– Shyn máninde, UQSHU-ǵa múshe memleketterdiń biriniń qaýipsizdigin, turaqtylyǵy men tutastyǵyn qamtamasyz etý úshin Uıymnyń bitimgerlik kúshteriniń aýqymdy túrde jumyldyrylý jaǵdaıy birinshi ret bolyp otyr. Biz úshin UQSHU boıynsha áriptesterimizdiń áskerı ǵana emes, moraldyq qoldaý kórsetýi de asa mańyzdy. Uıymǵa múshe memleketterdiń bári birtutas maıdan bolyp, Qazaqstannyń úndeýin biraýyzdan qoldady, – dedi Qasym-Jomart Toqaev.

Prezıdent Uıymnyń budan paıdaly ári jaqsy tájirıbe alatynyn, osal tustar taldanyp, tıisti sheshim shyǵarylatynyn, retteýshi qujatqa túzetýler engiziletinin atap ótti.

– UQSHU bedeldi áskerı-saıası uıym retinde óziniń qajetti ári tıimdi ekenin kórsetti. Bul memleketterimizdiń turaqtylyǵy men qaýipsizdigin qamtamasyz etetin naqty mehanızm, – dedi Memleket basshysy.  

Samıt barysynda UQSHU-ǵa múshe memleketter basshylary Qazaqstan Respýblıkasyndaǵy jaǵdaı jóninde pikir almasyp, elimizdiń basshylyǵy jasap jatqan is-áreketterdi qoldaıtynyn aıtty. Sondaı-aq turaqtylyq pen konstıtýsıalyq tártipti qalpyna keltirýdiń mańyzdy ekenine nazar aýdardy. UQSHU Bas hatshysy Stanıslav Zas birlese qabyldaǵan sheshimderdiń júzege asyrylý barysy týraly baıandady.

Memleketter basshylary UQSHU Ujymdyq bitimgerlik kúshteriniń Qazaqstandaǵy mısıasy aıaqtalǵansha turaqty baılanysta bolýǵa ýaǵdalasty. 

Qasym-Jomart Toqaevtyń sóılegen sóziniń tolyq mátinimen myna silteme arqyly tanysýǵa bolady.