Túrki memleketteri uıymy 2009 jyly quryldy.
Qazaqstan Prezıdenti Qasym-Jomart Toqaev Túrki memleketteri uıymynyń Bas hatshysy Kýbanychbek Ómirálıevti qabyldady, dep habarlaıdy Almaty-akshamy.kz Aqordanyń baspasóz qyzmetine silteme jasap.
Kezdesý barysynda Memleket basshysy, eń aldymen, Kýbanychbek Ómirálıevti uıymnyń Bas hatshysy laýazymyna taǵaıyndalýymen quttyqtap, aldaǵy qyzmetine tabys tiledi.
Qasym-Jomart Toqaev Qazaqstan uıymnyń negizin qalaýshy eldiń biri retinde túrki memleketterimen kópjaqty yntymaqtastyqty damytýǵa múddeli ekenine toqtalyp, hatshylyqtyń jumysyna barynsha qoldaý kórsetetinin jetkizdi. Memleket basshysynyń aıtýynsha, búginde túrki halyqtarynyń yntymaqtastyǵy men birligin nyǵaıtýǵa arnalǵan biregeı alań retinde Túrki memleketteri uıymynyń mańyzy arta tústi. Halyqaralyq uıymdar men álemniń kóptegen elderi Túrki memleketteri uıymymen saýda-ekonomıkalyq jáne mádenı-gýmanıtarlyq baılanystardy kúsheıtýge nıetti.
Prezıdent sondaı-aq uıym hatshylyǵynyń aldynda bıyl qazan aıynda Samarqand qalasyndaǵy samıtte qabyldanǵan mańyzdy sheshimder men bastamalardy tıimdi júzege asyrý mindeti turǵanyn aıtty.
Túrki memleketteri uıymy 2009 jyly quryldy. Uıymnyń kelesi mereıtoılyq 10-shy samıti 2023 jyly Qazaqstanda ótedi.