Kómek kólemi 100 myń teńgeden bastalady.
Almatylyqtardyń keıbir sanatyna 2022 jyly ataýly jáne mereke kúnderi qarjylaı kómek kórsetiledi, dep habarlaıdy Almaty-akshamy.kz Almaty qalasynyń áleýmettik ál-aýqat basqarmasyna silteme jasap.
Qalanyń keı turǵynyna Jeńis kúni men Táýelsizdik kúninde qarjylaı kómek kórsetiledi.
9 mamyr – Jeńis kúnine oraı tólem alatyn turǵyndar:
Uly Otan soǵysy ardagerlerine (olardyń mártebesi «Ardagerler týraly» zańmen belgilenedi) – 500 myń teńge;
UOS ardagerlerine teńestirilgen ardagerlerge, sondaı-aq basqa memleketter aýmaǵyndaǵy urys qımyldaryna qatysqan ardagerlerge – 100 myń teńge;
Uly Otan soǵysy jaýyngerleriniń jesirlerine beriledi (bul jaǵdaıda qaıtadan otbasy qurmaǵan áıelder jesir dep sanalady). Olarǵa 100 myń teńge kóleminde kómek kórsetiledi;
Aýǵanstanda nemese basqa memleketterde soǵysqan áskerı qyzmetshilerdiń ata-analary men jesirlerine - 100 myń teńge.
16 jeltoqsan – Táýelsizdik kúnine oraı Almatyda 1986 jylǵy Jeltoqsan oqıǵalaryna qatysyp, keıin aqtalǵandarǵa tólem jasalady. Olarǵa 150 myń teńge kóleminde kómek kórsetiledi.
Sondaı-aq kelesi merekelerge 1 mln teńge kóleminde áleýmettik kómek qarastyrylǵan:
Jańa jyl – 1-2 qańtar;
8 naýryz – Halyqaralyq áıelder kúni;
Naýryz meıramy – 21-23 naýryz;
1 mamyr – Qazaqstan halqynyń birligi merekesi;
Astana kúni – 6 shilde;
Konstıtýsıa kúni – 30 tamyz;
Qazaqstannyń Tuńǵysh Prezıdenti kúni – 1 jeltoqsan.
Bul kómek turǵyn úıge muqtaj kóp balaly otbasylarǵa ǵana kórsetiledi.
Bólinetin soma turǵyn úı satyp alýǵa arnalǵan, ony «Otbasy bankiniń» shotyna aýdarady.