Qasym-Jomart Toqaev Vladımır Pýtınniń shaqyrýymen Reseıge barady
QR Prezıdenti Qasym-Jomart Toqaev Reseı Federasıasyna jumys saparymen barady. Bul týraly Memleket basshysynyń baspasóz hatshysy Berik Ýálı aıtty, dep habarlaıdy Almaty-akshamy.kz
«10-11 aqpanda Qazaqstan Prezıdenti Qasym-Jomart Toqaev Vladımır Pýtınniń shaqyrýymen Reseı Federasıasyna jumys saparymen barady.
10 aqpanda Máskeýde Qasym-Jomart Toqaev Vladımır Pýtınmen kelissóz júrgizedi. Kezdesý barysynda memleketter basshylary Qazaqstan men Reseı arasyndaǵy kópjaqty strategıalyq seriktestiktiń damý perspektıvalaryn qarastyrady.
11 aqpan kúni Memleket basshysy Qazan qalasynda Tatarstan Prezıdenti Rýstam Mınnıhanovpen kezdesedi jáne respýblıkadaǵy birqatar iri ónerkásiptik kásiporyndardy aralap kóredi», - dep jazdy B.Ýálı Facebook-te.