Qasym-Jomart Toqaevqa sot júıesiniń qazirgi damý barysy týraly baıandaldy.
Jaqyp Asanov Memleket basshysyna azamattyq daýlardy sotqa jetkizbeı sheshý máselesi jóninde aıtyp, sońǵy 3 jylda Joǵarǵy Sottyń osy baǵytta júzege asyrǵan jobalary jaıly aıtty. Onyń aıtýynsha, buryn isterdiń tek 2-3 paıyzy ǵana tatýlasýmen aıaqtalsa, qazir bul kórsetkish 37 paıyzǵa jetken, dep habarlaıdy Almaty-akshamy.kz Aqordaǵa silteme jasap.
Joǵarǵy Sot tóraǵasynyń derekterine sáıkes 2018 jylǵa deıin aýyr jáne asa aýyr qylmystar boıynsha bir jylda orta eseppen 23 adam aqtalsa, sońǵy 4 jylda 160-tan astam azamat kinásiz dep tanylǵan. Iaǵnı, kórsetkish 7 esege artqan.
Prezıdentke memlekettik basqarý júıesindegi ákimshilik ıýstısıa týraly aıtyldy. Jaqyp Asanovtyń aıtýynsha, byltyrǵy 1 shildege deıin azamattar men kásipkerler qaralǵan isterdiń 85 paıyzy boıynsha memlekettik organdardan jeńiletin. Qazirgi tańda isterdiń 55 paıyzy kásipkerler men azamattardyń paıdasyna sheshiledi.
Sonymen qatar kezdesýde sot kadrlarynyń sapasyn jaqsartý, azamattardyń sotta qorǵalýyn kúsheıtý, sot isin júrgizýdi ońtaılandyrý jáne basqa da mindetter týraly aıtyldy.