Prezıdent Qasym-Jomart Toqaev Abaı, Jetisý jáne Ulytaý oblystarynan Qazaqstan Respýblıkasy Parlamenti Senatynyń depýtattaryn saılaýdy taǵaıyndaý týraly Jarlyǵyn jarıalady, dep habarlaıdy Almaty-akshamy.kz Aqordanyń resmı saıtyna silteme jasap.
Qazaqstan Respýblıkasy Konstıtýsıasynyń 44-babynyń 2) tarmaqshasyna, 50-babynyń 2-tarmaǵyna, «Qazaqstan Respýblıkasyndaǵy saılaý týraly» 1995 jylǵy 28 qyrkúıektegi Qazaqstan Respýblıkasy Konstıtýsıalyq zańynyń 69-baby 1-tarmaǵynyń 2) tarmaqshasyna, 129-babyna jáne «Qazaqstan Respýblıkasynyń ákimshilik-aýmaqtyq qurylysynyń keıbir máseleleri týraly» Qazaqstan Respýblıkasy Prezıdentiniń 2022 jylǵy 3 mamyrdaǵy № 887 Jarlyǵyna sáıkes QAÝLY ETEMİN:
1. Abaı, Jetisý jáne Ulytaý oblystarynan Qazaqstan Respýblıkasy Parlamenti Senatynyń depýtattaryn saılaý 2022 jylǵy 24 tamyzǵa taǵaıyndalsyn.
2. Daýys berýdi ótkizý, saılaý qorytyndylaryn belgileý jáne Qazaqstan Respýblıkasy Parlamenti Senaty depýtattarynyń ókilettik merzimin aıqyndaý «Qazaqstan Respýblıkasyndaǵy saılaý týraly» Qazaqstan Respýblıkasy Konstıtýsıalyq zańynyń 129-babyna sáıkes júzege asyrylatyn bolyp belgilensin.
3. Qazaqstan Respýblıkasynyń Úkimeti, Abaı, Jetisý jáne Ulytaý oblystarynyń ákimderi Abaı, Jetisý jáne Ulytaý oblystarynan Qazaqstan Respýblıkasy Parlamenti Senatynyń depýtattaryn saılaýdy uıymdastyrýshylyq, materıaldyq-tehnıkalyq jáne qarjylyq qamtamasyz etý jónindegi sharalardy qabyldasyn.
4. Osy Jarlyq alǵashqy resmı jarıalanǵan kúninen bastap qoldanysqa engiziledi.