Maımyl sheshegin juqtyrǵandardyń eń kóbi Nú-Iorkte.
AQSH-tyń 39 shtatynda maımyl sheshegin juqtyrǵan 767 adam tirkeldi, dep habarlady Almaty-akshamy.kz.
AQSH-tyń Aýrýlardy baqylaý jáne aldyn alý ortalyqtarynyń sońǵy málimetterine sáıkes, maımyl sheshegin juqtyrǵandardyń eń kóbi Nú-Iorkte – 153, odan keıin Kalıfornıada – 136 jáne Illınoıste – 91 jaǵdaı anyqtalǵan.
AQSH Densaýlyq saqtaý jáne halyqqa qyzmet kórsetý mınıstrligi dúısenbiden bastap epıdemıamen kúresý úshin bekitilgen eki rettik Jynneos vaksınasynyń 144 myń dozasy qalalar men shtattarǵa taratylatynyn habarlady.
Aıta ketsek, Amerıkalyq LabCorp medısınalyq kompanıasy Soltústik Karolınadaǵy bas zerthanasynda maımyl sheshegine arnalǵan synaqty bastady, ol aptasyna 10 myńǵa deıin test qabyldaı alady. Bul AQSH-tyń testileý múmkindigin eki ese arttyrady.