26 tamyzda Jambyl oblysy Baızaq aýdanynda ornalasqan áskerı bólimde saǵat 19:00 shamasynda qoımalardyń biriniń janynda órt shyqty. Qoımada ınjenerlik oq-dáriler saqtalǵan.
Qazaqstan Prezıdenti Qasym-Jomart Toqaev 29 tamyzdy Jalpyulttyq aza tutý kúni dep jarıalady. Bul týraly Memleket basshysy Twitter-degi paraqshasynda jazdy, dep habarlaıdy Almaty-akshamy.kz.
«Jambyl oblysy Baızaq aýdanyndaǵy adam ólimine ákep soqtyrǵan qaıǵyly oqıǵaǵa baılanysty 29 tamyzdy Jalpyulttyq aza tutý kúni dep jarıalaımyn. Qaza bolǵan áskerı qyzmetshiler men qutqarýshylar eren erlik pen naǵyz janqıarlyq kórsetti. Erlerimizdiń esimi el jadynda máńgi saqtalady», - dedi Memleket basshysy.
Taraz qalasynyń mektepterine 1200-ge jýyq adam, ıaǵnı Baızaq aýdany Qaınar, Botamoınaq, Jibek Joly aýyldarynyń jáne Úshbulaq stansıasynyń turǵyndary kóshirildi.
Jambyl oblysyndaǵy áskerı qoımada tutaný faktisi boıynsha QR Qylmystyq kodeksiniń 462-baby (qarý-jaraqty, sondaı-aq aınaladaǵylar úshin qaýip tóndiretin zattar men zattardy ustaý qaǵıdalaryn buzý) boıynsha sotqa deıingi tergeý bastaldy.
Jarylystan qaza bolǵandar sany 12-ge jetti.