Almatyda esirtki qoıýshylar ustaldy.
Bul joly esirtki qylmysymen 25 jastaǵy A. esimdi azamat jáne 19 jastaǵy N. esimdi azamat aınalysqan. Ekeýi de almatylyqtar, dep habarlaıdy Almaty-akshamy.kz Polisia.kz-ke silteme jasap.
"Esirtki satýshylar otyrǵan Lexus kóligin polısıa qyzmetkerleri Qaıyrbekov kóshesiniń boıynan toqtatty. Kóliktiń ishinen jáshik tabyldy jáne tárkilendi, onyń ishinde jasyl tústi, erekshe ıisti, ósimdik zaty bar eki polıetılen baılamy boldy. Saraptama qorytyndysyna sáıkes, tárkilengen zattar jalpy salmaǵy 375,62 gram marıhýana ekeni dáleldendi. Sondaı-aq, atalǵan kóliktiń júksalǵyshynda 136 polıetılen baılamy tabyldy jáne tárkilendi, onyń ishinde jabaıy ósetin kendirdiń erekshe ıisi bar jasyl tústi ósimdik zattary oralǵan. Baılamdardaǵy shóptiń salmaǵy – 127,53 gram", – dedi Almaty qalalyq PD Esirtki qylmysyna qarsy kúres basqarmasynyń bastyǵy Erlan Álmaǵambetov.
Jaýap alý kezinde kúdiktiler esirtki qoıýshy retinde “jumys isteıtinin” moıyndady. Taýarlardy poshta arqyly, al tapsyrystardy tanymal messendjer arqyly qabyldanǵan.
"Kúdiktilerdiń is-áreketteri QR QK-niń 297-baby 3-bóligi 5-tarmaǵymen saralanady. Esterińizge sala keteıik, bul esirtki qylmysy úshin 10 jyldan 15 jylǵa deıin bas bostandyǵynan aıyrý jazasy qarastyrylǵan", – dedi Erlan Álmaǵambetov.