Semeı qalasynda polıseıler sýǵa batyp bara jatqan er adamdy qutqardy, dep habarlaıdy Almaty-akshamy.kz Inform.kz-ke silteme jasap.
SHQO Polısıa departamenti baspasóz qyzmetiniń málimetine súıensek, 28 mamyrda keshki ýaqytta 102 jedel arnasyna Ertis ózeninde bórene ústinde qalqyp júrgen er adamǵa kómek qajettigi týraly habar túsken. Tártip saqshylary shuǵyl túrde sol jaqqa qaraı attandy.
«Polısıa leıtenanttary M.Idanov pen B.Altynqan sýdan shyǵa almaı, batyp ketýge shaq qalyp júrgen adamdy kórdi. Leıtenant Idanov esh oılanbastan tapansha jáne arnaıy qarýy bar belbeýdi sheship, sýǵa sekirgen. Osy kezde leıtenant Altynqan qyzmettik kólikten qutqarý sheńberin shyǵaryp, áriptesine laqtyrdy. Osylaısha, olar qala turǵynyn jaǵalaýǵa alyp shyqqan», - delingen aqparatta.
Sol jerde er adam alǵashqy medısınalyq kómek kórsetiledi. Sodan keıin ol dárigerlerge tapsyryldy.