Soltústik Qazaqstan oblysynda karantın tártibi kúsheıtildi
Óńirde sońǵy eki aptada 2000 adam aýyrýǵa shaldyqqan. 51 naýqas jansaqtaý bóliminde jatyr, dep habarlaıdy almaty-akshamy.kz.
Aqqaıyń, Aıyrtaý, Maǵjan Jumabaev aýdandarynda vırýsty juqtyrý derekteri 2-2,5 esege kóbeıip ketken. Oblys áli de «qyzyl» aımaqta. Búgingi kúnge deıin 230 myń adam vaksına saldyrǵan.
«Otbasylyq is-sharalar, ıaǵnı banketter, úılený toıy, mereıtoı sekildi merekelerdi ótkizýge tyıym salynady. Adamdar kóp jınalatyn konferensıalar, forýmdar, oıyn-saýyq jáne ózge de jıyn toılarǵa ruqsat etilmeıdi»,- deıdi oblystyq sanıtarlyq-epıdemıologıalyq baqylaý departamentiniń basshysy Áset Jumataev.