Partıa alańynda áleýmettik kómek kórsetý máseleleri talqylandy

«AMANAT» partıasynyń Almaty qalalyq fılıaly janyndaǵy Otbasy jáne halyqty áleýmettik qorǵaý máseleleri jónindegi Qoǵamdyq Keńesiniń kezekti otyrysy ótti, dep habarlaıdy Almaty-akshamy.kz.
Kún tártibindegi suraqtarǵa baılanysty Áleýmettik ál-aýqat basqarmasynyń basshysy N.Toǵyzbaeva men Bilim basqarmasy basshysynyń orynbasary B.Malǵajdarova qatysty.
Otyrys barysynda partıanyń Almaty qalalyq Saılaýaldy baǵdarlamasyn oryndaý jónindegi Jol kartasynyń eki tarmaǵy qaralyp, «Otbasy ınstıtýty» bazasynda jas analarǵa arnalǵan tegin qysqa merzimdi kýrstardy iske asyrý týraly, 2022 jyly qalalyq ınfraqurylymnyń beıimdelgen obektileriniń úlesin 61,1%-ǵa deıin ulǵaıtý syndy birqatar ózekti suraqtar boıynsha jaýapty basqarmalardyń esebi tyńdaldy. 
Halyqtyń áleýmettik osal toptaryna memleket tarapynan kórsetiletin áleýmettik kómekter men járdemaqylar týraly jáne Almaty qalasy boıynsha «AMANAT» partıasynyń saılaýaldy baǵdarlamasyn oryndaý jónindegi jol kartasynyń 125,                     175 tarmaqtarynyń oryndalý barysy týraly Almaty qalasy Áleýmettik ál-aýqat basqarmasynyń basshysy N.Toǵyzbaeva esep berdi.  
Aǵymdaǵy jyldyń 1 maýsymyna áleýmettik tólemderdiń             18 túrimen 2,6 mlrd. teńgege 48,8 myń adam qamtylsa, 21,5 mln. teńgege 1 240 otbasy turǵyn úı kómegin aldy. Tólemniń basqa túrlerimen 1,4 mlrd.teńgege 22 026 adam qamtyldy.
«AMANAT» partıasynyń Ózgerister joly: árkimge laıyqty ómir!» 2021-2025 jyldarǵa arnalǵan saılaýaldy baǵdarlamasyn oryndaý jónindegi Jol kartasy aıasynda aýdandyq ákimdikter qalyptastyrylǵan nysandar tizimine sáıkes buryn jartylaı beıimdelgen nysandardy tolyq beıimdeý jumystaryn júrgizýde. Búgingi kúni múgedektigi bar adamdar jáne halyqtyń júrip-turýy shekteýli basqa da toptary úshin olardyń qoljetimdiligi turǵysynan túgendeýge jáne beıimdeýge jatatyn obektilerdiń tizbesi bekitildi.
 Jıynda Almaty qalasy Bilim basqarmasy basshysynyń orynbasary B.Malǵajdarova bilim berý uıymdarynyń tárbıelenýshilerin qosymsha bilim berýmen jáne sport seksıalarymen qamtamasyz etý barysy boıynsha baıandap berdi.  
         Bilim basqarmasymen qosymsha bilim berýge memlekettik tapsyrysty ornalastyrý úshin 5000 orynǵa 991,700 mln teńge bólingen.  
Keńes otyrysyn qorytyndylaǵan tóraıym, depýtat R.Shımasheva  jıyn barysynda mańyzdy máselelerdiń qaralǵanyn atap, aıtylǵan usynystardyń respýblıkalyq qoǵamdyq Keńesine  jáne memlekettik organdarǵa tıisti sheshim shyǵarý úshin joldanatynyn málimdedi.