Tańmen talasa turǵan Berdibekovter otbasy Bostandyq aýdanynyń turǵyndary. Búgin olar kóppen birge ózderiniń turǵylyqty jeri boıynsha №240 saılaý ýchaskesine baryp daýys berdi.
– Búgingi kún quddy bir jańa ómirge, jańa kezeńge qadam bastyratyndaı. Kúnde jańbyr jaýyp turǵan aýa raıynyń búgin shaıdaı ashylyp, saılaýshylarǵa jaǵdaı jasap turǵanyn jaqsylyqqa baladyq. Biz búgin otbasymyzben kelip, óz tańdaýymyzdy jasadyq. Óıtkeni, el ómirindegi mańyzdy oqıǵada sheshim qabyldap, úles qosýdy mindetimiz dep bilemiz. Ulym men qyzym da kámeletke tolǵan jastar bolǵan soń, ózderiniń azamattyq ustanymyn bildirýge bizben birge keldi. Olardyń Otanyna, eline, týǵan jerine degen súıispenshiligine qarap, ózim de ishteı rıza boldym, - deıdi januıanyń otaǵasy Ábdijappar Berdibekov.