Sonda alǵa ilgerileımiz
Prezıdent óte ózekti máselelerdi kóterdi. Sonymen birge, mınıstrlikter men komıtet basshylaryna birqatar naqty tapsyrmalar berildi. Sonyń ishinde «Turaqty qor» týraly oı aıtyldy. Bıyldyń ózinde 18-19% ınflásıa oryn aldy, degen oıyn jetkizdi ekonomıs,qoǵam belsendisi Beknur Qısyqov, dep habarlaıdy Almaty-akshamy.kz.
Dúkenderdegi baǵa sharyqtap barady. Sonyń bárine turaqty baǵa jasaý qajet. Osynshama qarjy memleket tarapynan bólindi. Biraq azyq-túlik baǵasy ósip barady. Osyǵan oraı, atqaminerler naqty ister qabyldaýy kerek edi. Alaıda, istelip jatqan ister óz nátıjesin bermeýde degen pikirin de jasyrmady ol.
«Qazirgi tańda eń ózekti másele, ol – qant. Óz jerimizde shyǵarylatyn ónimniń qunynyń kúrt ósýi kúmán týdyrady. Nege olaı? Bul jaǵyn dóp basyp eshkim aıta almaıdy. Eń bastysy, ınflásıany tezdetip tejemese bolmaıdy. Elimizdegi burynnan kele jatqan qant zaýyttarynyń jumysyna saraptama júrgizilý qajet. Osydan keıin baryp nátıje shyǵara alamyz. Jalpy úkimet otyrysynda aıtylǵan ıgi oılar men naqty tapsyrmalardy kezek kúttirmeı oryndaý qajet. Sonda alǵa ilgerileımiz», - dedi qoǵam belsendisi.