Bul kórsetkish boıynsha týrıser sany 6,9 mln adamǵa jetken, bul pandemıaǵa deıingi kezeńnen joǵary.
Bul týraly Mádenıet jáne sport vıse-mınıstri Erjan Erkinbaev Premer-Mınıstrdiń orynbasary Eraly Toǵjanovtyń qatysýymen ótken Úkimet otyrysynda málimdedi, dep habarlaıdy Almaty-akshamy.kz Elorda.info-ǵa silteme jasap.
«EQonaq statısıkalyq derekterine sáıkes, apta saıyn Qazaqstanǵa keminde 11 myń sheteldik týrıs keledi. Sheteldikterdi ornalastyrý oryndarynda tirkeý boıynsha kóshbasshylar: Almaty men Nur-Sultan qalalary jáne Mańǵystaý oblysy. Bıylǵy naýryz aıynan bastap ósim 136%-dy qurady», – dedi vıse-mınıstr.
Sheteldik kelýshiler sanynyń ósýi halyqaralyq áýe qatynasyn qalpyna keltirýmen, vızasyz rejımdi engizýmen jáne ony yryqtandyrýmen tikeleı baılanysty.
Sondaı-aq, keńes aıasynda Erjan Erkinbaev jumsaq ınfraqurylym, týrıserdiń qaýipsizdigi men servıs sapasyn arttyrý baǵytynda atqarylǵan jumystar týraly baıandady.