Bul týraly Saýda jáne ıntegrasıa mınıstri Serik Jumanǵarın aıtty.
Azyq-túlik baǵasynda – 1,4%, azyq-túlik emes taýarlarda – 0,9%, aqyly qyzmetterde 0,7% ınflásıa boldy, dep habarlaıdy Almaty-akshamy.kz
Azyq-túlik ınflásıasynyń eń joǵary deńgeıi Astana jáne Shymkent qalalarynda (2,2%), Qyzylorda jáne Soltústik Qazaqstan oblystarynda – 1,8%, Aqtóbe oblysynda – 1,7%, Ulytaý oblysynda 1,5% qurady.
"Áleýmettik mańyzy bar azyq-túlik taýarlary baǵasynyń ındeksi jyl basynan beri 1,7% boldy. Jyl basynan beri eń joǵary ósý qarqyny Mańǵystaý, Ulytaý oblystarynda jáne Astana qalasynda baıqaldy. Taýarlar bólinisinde jyl basynan beri eń joǵary ósim pıazda (22,5%), kúrishte (5,2%), qyryqqabatta (4,1%), sút jáne sábizde (3,1%), kartopta (3,0%), rojkıde (2,6%) baıqaldy", - dedi vedomstvo basshysy.
Áleýmettik mańyzy bar azyq-túlik taýarlary baǵasyn retteý jónindegi sharalardy taldaý barysynda Mańǵystaý oblysynda baǵany turaqtandyrý tetikterin iske asyrýǵa kózdelgen 3,6 mlrd teńgeniń 2 mlrd teńgesi iske qosylmaǵany anyqtaldy.
"Ulytaý oblysy da - baǵanyń ósýi boıynsha kóshbasshy. Al, Astana qalasynda "aınalym sqemasy" tetigi boıynsha qarjylandyrýdyń bólingen somasy 14 mlrd teńgeni quraıdy, biraq óńir ótken jyldyń qorytyndysy boıynsha da, jyl basynan beri de baǵanyń ósýi boıynsha kóshbasshylar úshtiginde qalyp otyr", - dep atap ótti Serik Jumanǵarın.